ទស្សនកិច្ច​និស្សិតសាកលវិទ្យាល័យ​ភូមិន្ទនីតិសាស្រ្ត នៅ​ខនហ្វីរេល

កាលពីថ្ងៃទី២៧ ខែមេសា ឆ្នាំ២០២៦ ក្រុមហ៊ុនខនហ្វីរេលបានទទួលស្វាគមន៍និស្សិតឆ្នាំទីពីរថ្នាក់បរិញ្ញាបត្រជាន់ខ្ពស់ឯកទេស ភាពជាសហគ្រិន និងគ្រប់គ្រងគម្រោង មកពីសាកលវិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ចចំនួន ៣២ នាក់ អមដំណើរដោយសាស្រ្តាចារ្យ Jean-Luc Chautagnat។ ដំណើរទស្សនកិច្ចនេះជាផ្នែកមួយនៃដំណើរទស្សនកិច្ចសិក្សា បន្ទាប់ពីវគ្គសិក្សាផ្នែកអភិបាលកិច្ចនៃអង្គការក្រៅរដ្ឋាភិបាល និងសមាគម និងអាជីវកម្មនានា។

លោកណល់ រតនា ជំនួយការអគ្គនាយកនៃ​ក្រុមហ៊ុនខនហ្វីរេល បានទទួលស្វាគមន៍ភ្ញៀវ និងបានធ្វើបទបង្ហាញពីប្រវត្តិរបស់ក្រុមហ៊ុន ពីការវិវឌ្ឍដោយគូសបញ្ជាក់ពីចក្ខុវិស័យដ៏វែងឆ្ងាយរបស់លោកឧកញ៉ាឱសថបណ្ឌិតហៃ លីអ៊ាង ស្ថាបនិក និងប្រធានអគ្គនាយកក្រុមហ៊ុនសហគ្រាសប៉េប៉េអឹម-ខនហ្វីរេល ដែលផ្តោតទៅលើនិរន្តភាពផ្នែកកសិកម្ម និងសេដ្ឋកិច្ចវិលជុំ។

ក្នុងអំឡុងពេលទស្សនកិច្ចនេះ និស្សិតទាំងអស់បានស្វែងយល់ពីផលិតផលក្នុងស្រុកជាច្រើនប្រភេទ និងទទួលបានចំណេះដឹងដ៏មានតម្លៃអំពីរបៀបដែលក្រុមហ៊ុនបញ្ចូលនវានុវត្តន៍ និងការអភិរក្សវប្បធម៌ទៅក្នុងដំណើរការផលិតរបស់ខ្លួន ដោយធ្វើឱ្យមានផលប៉ះពាល់ជាវិជ្ជមានទៅលើសហគមន៍ក្នុងតំបន់ និងបរិស្ថាន៕